Танзанийн анхны эмэгтэй Ерөнхийлөгч тангараг өргөжээ
Танзани улсын Дэд ерөнхийлөгч Самиа Сулуху Хасан өнөөдөр Ерөнхийлөгчийн тангараг өргөж, тус улсын анхны эмэгтэй төрийн тэргүүн болжээ.
61 настай Хассан тус улсын худалдааны нийслэл болох Дар-эс-Салаам дахь Төрийн ордонд тангараг өргөжээ. Тэрээр тангараг өргөснийхөө дараа ард түмэндээ хандан үг хэлж, мөн Засгийн газрын хуралдаан хийнэ гэж мэдэгдсэн байна.
Хоёр долоо хоногийн турш олон нийтийн өмнө харагдаагүй Танзанийн Ерөнхийлөгч Жон Магуфули энэ долоо хоногийн эхээр 61 насандаа таалал төгссөний дараа Самиа Сулуху Хасан ийнхүү Ерөнхийлөгчийн суудалд сууж байгаа юм. Африкийн хамгийн хүчирхэг коронавируст үл итгэгч байсан Магуфулигийн эрүүл мэндийн талаар олон нийт таамаг дэвшүүлэн, цар тахлаар өвчилсөн байж магадгүй гэх цуурхал тархаад байсан билээ. Гэвч Хассан уг цуурхлыг няцаан, Магуфулийг зүрхний өвчнөөр нас барсан хэмээн мэдэгдсэн юм.
Харилцан зөвшилцлийг эрхэмлэгч Хассан нь "Бульдозер" хочтой Магуфулигээс тэс өөр манлайллын хэв маягтай байна гэж мэргэжилтнүүд үзэж байна. Тэрээр мөн Бүгд Найрамдах Нэгдсэн Танзани Улсын бүрэлдэхүүнд багтдаг Занзибар арлаас гаралтай анхны Ерөнхийлөгч болж байгаа юм.
Эх сурвалж: Reuters
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.