"Херо" энтертайментийн найруулагч Б.Баатарын гомдлоор ТЕГ-ын дарга Б.Хурцад хэрэг үүсгэн шалгаж байгаа талаар ТЕГ-ын ХМОНХ мэргэжилтэн Т.Баярхүү мэдээлэл өглөө.

Б.Хурц нь ТЕГ-ын даргаар ажиллаж байхдаа "Херо" энтертайментийн компютерийг хакердаж,  найруулагч Б.Баатарыг хууль бусаар тагнаж чагнасан гэх баримтууд илэрч эхэлжээ. Үүнд хэрэг үүсгэн шалгаж байгаа ч ТЕГ-ын асан Б.Хурц мөрдөн байцаалтад ирж мэдүүлэг өгөхгүй байгаа ажээ.

Одоогоос 5 жилийн өмнө 2016 оны нэгдүгээр сард “Монгол Тулгатны 100 эрхэм” нэвтрүүлэгт Ерөнхийлөгч асан Н.Энхбаярын оролцсон бичлэгийн хэсэг  олон нийтийн сүлжээнд цацагдаж дуулиан тарьсан. Энэ нь хууль бус гүйцэтгэх ажиллагаа буюу "ТЕГ-ын даргаар Б.Хурц ажиллаж байхдаа алба хаагч нарт даалгавар өгсөн, Херо энтертайментийн студийн байранд тусгай ажиллагаа явуулснаар  бичлэгийг олон нийтэд цацсан" гэх мэдээлэл сүүлийн үед зарим хэвлэл мэдээллийн хэрэгслээр гарч байна. Тэгвэл найруулагч Б.Баатарын гомдлоор ТЕГ-ын дарга Б.Хурцыг хууль бус гүйцэтгэх ажиллагаа явуулсан гэх асуудалд хэрэг үүсгэн шалгаж байгаа юм байна. 

Уг асуудлаар найруулагч Б.Баатар шалгуулахаар гомдол гаргасан ч хэрэг нь шийдэгдэхгүй таван жил болжээ. Үүнээс гадна Б.Хурц нь ТЕГ-ын даргаар ажиллаж байхдаа улстөрийн зорилгоор олон хүнийг хууль бусаар тагнаж чагнасан гэх асуудал ч яригдаж байгаа ажээ. 

 

---