Нийтэлсэн:   Б.Хаш-Эрдэнэ

3 жилийн өмнө

"Эрдэнэс Тавантолгой" ХК-ийн гүйцэтгэх захирал Б.Ганхуяг 2021-2025 онд хэрэгжүүлэх "А6" бизнес төлөвлөгөөгөө танилцууллаа. 1072 хувьцаа эзэмшигч иргэн бүрт 660 гаруй мянган төгрөгийн ногдол ашиг хүртээнэ гэв. 

"Эрдэнэс Тавантолгой" ХК-ийн гүйцэтгэх захирал Б.Ганхуяг: 
-Өнгөрсөн хугацаанд тавьсан зорилтоо амжилттай хэрэгжүүлсэн. Үүнээс зургаан гол зүйлийг амжилттай болсон гэж дүгнэж байгаа.

"А6" бол өнгөрсөн хугацаанд амжилттай барьж ажилласан Амжилттай 6 гэсэн үг юм. Энэ жилүүдэд үндэсний их бүтээн байгуулалт, барилгын ажлууд явагдлаа. 2050 гээд стратеги төлөвлөгөө байгаа. Таван жилийн хугацаанд 32 их наядын орлоготой ажиллана. Бид таван жилийн дараа 50 их наяд төгрөгийн үндэсний их компани болж өргөжнө.

-Ногдол ашиг тараах тухай? 
-Компанийн үнэ цэнийг тогтоож, 1072 ширхэг хувьцааны ногдол ашгийг хүртээсэн. Ажиллах орчныг сайжруулж, ажилчдын цалин хөлсийг нэмэгдүүлсэн. 
Цаашид найман төрлийн төсөл хэрэгжүүлнэ. Төмөр зам, дулааны станц барина. Говийн бүсийг усан хангамжтай болгох маш том зорилт тавин ажиллаж байна.

2023 оноос 7 их наядын борлуулалтын орлоготой ажиллана гэж төлөвлөж байна. Ингэснээр цэвэр ашгийн хувьд 2023-2025 онд 1072 хувьцаатай иргэн 669.781 төгрөгийн ногдол ашиг хүртэх тооцоо гараад байна. 

3 сарын 30 гэхэд бонд гаргана. Хоёр сая гаруй хувьцаа эзэмшигч маань хоёр дахь зах зээлийн бонд эзэмших эрхтэй болж байгаа юм. Дотооддоо байгаа мөнгөн хөрөнгийн зах зээлийг сайжруулна.

-TTJVCO ХХК-тай холбоотой асуудлаар? 

-Цанхийн зүүн уурхайд хөрс хуулалт, олборлолтын ажил гүйцэтгүүлэхээр "Мазмахон" гэх БНХАУ-ын компанитай гэрээ байгуулсан. Тус байгууллага 2012 оноос нэрээ "ТиТиЖиВиСиӨү" болгож өөрчлөн, гэрээ шинэчлэлт хийгдсэн. Тэр гэрээнд гэрээ цуцлах бүх нөхцөл заагдсан байсан. Тус байгууллагатай хийгдсэн гэрээ 2021 оны 02 сарын 28 өдрөөр дууссан.

Гэрээний заалтын дагуу албан тоотоор "гэрээ сунгахгүй" гэж гурван удаа мэдээлсэн. Яагаад гэвэл үнэ хэт өндөр байсан. Баруун дээр ажиллаж байгаа компаниуд 11000 орчмоор ажил гүйцэтгэж байгаа бол тус газрын үнэ 12000 гаруй төгрөг байгаа гэх мэт асуудлаар ТУЗ гэрээг сунгахгүй гэж шийдвэрлэсэн.
Өнөөдөр энэ компанийн ажилчид буруу мэдээлэл өгч байна. Энэ байгууллага нь манайтай хммааралтай биш,  тусдаа бие даасан байгууллага. Манай дээр ажил гүйцэтгэж байгаа 885 хүн бий. Эдгээр хэвлэлийн хурал хийж байгаа залуус удирдлагынхаа өмнөөс яриад байна. Бид үнэ цэнэтэй мэргэшсэн уурхайчдыг алдахгүй. Манай дээр хүн хүч дутуу байгаа. Өөр ажил гүйцэтгэж байгаа компаниуд ч эдгээр залуусыг ажилд авъя гэдгээ илэрхийлсэн.

Сурталчилгаа