Францын эрүүл мэндийн газраас Ковид-19 коронавирусаар халдварласан хүмүүст вакцины хоёр биш нэг л тунг хийлгэхийг зөвлөжээ. Дэлхий даяар өргөн хүрээнд ашиглаж байгаа коронавирусийн эсрэг вакцинуудын аль аль нь хоёр тунг хийлгэх шаардлагатай гэсэн зөвлөмжийг баримталж байгаа юм. 

Харин Францын эрүүл мэндийн мэргэжилтнүүдийн үзэж байгаагаар халдвараар өвчилсөн хүмүүст хэдийнээ дархлаа үүссэн байгаа тул эхний тунг алгасаад хоёр дахь тунг хийлгэхэд хангалттай ажээ. Ингэхдээ 3-6 сарын өмнө халдвар авч эдгэсэн байх шаардлагатай гэж үзжээ. Тус улс нь вакцинжуулалтад хамрагдаж байгаа ард иргэддээ дээрх зөвлөгөөг өгсөн дэлхийн цор ганц улс болж байна.

Одоогоор Франц улсад коронавирусийн эсрэг вакцины 2,8 сая тунг тарьжээ. Харин цар тахлын халдвар авсан нь батлагдсан 3,4 сая иргэн бүртгэгдэж, 81,000 хүн нас барснаар дэлхийд долдугаарт орж байна. 

Эх сурвалж: ВВС 

---