Умард Солонгосын хакерчдын арми өнгөрөгч 2020 онд 300 сая ам.долларыг хулгайлж цөмийн зэвсэг, баллистик пуужингийн хөтөлбөрт хөрөнгө оруулж, олон улсын хууль дүрмийг зөрчсөн хэмээн НҮБ мэдээллээ.

Уг баримтаар Умард Солонгосын удирдагч Ким Жон Уныг эдийн засаг, санхүүгийн байгууламжууд руу халдах, хөрөнгийн биржийн санд нэвтрэх зэргээр улс орноо зэвсэгжүүлж, эдийн засгаа аврахыг оролдож байна хэмээн буруутгаж байгаа юм.

Энэ талаарх баримтыг дэлгэсэн улсын нэрийг зарлаагүй бөгөөд НҮБ-ын гишүүн орнуудын нэг ажээ. Тус улсын баталснаар Умард Солонгосын хакерчид 2019-2020 оны 11 дүгээр сар хүртэл 316 сая ам.долларын цахимаар олсон байна.

Мөн НҮБ-ын зүгээс БНАСАУ-ыг цөмийн хөтөлбөрт зориулсан материал үйлдвэрлэх, баллистик пуужингийн дэд бүтцийг сайжруулах хөтөлбөрт зориулж хилийн чанадаас технологи судалж байгаа хэмээн буруутгалаа.

Умард Солонгосын нууц үйл ажиллагааны талаарх мэдээллийг зургаан сар тутамд танилцуулдаг ба НҮБ-ын гишүүн орнууд, тагнуулын агентлагууд, хэвлэл мэдээллийн хэрэгслүүд, Умард Солонгосоос зугтсан иргэдийн мэдээллийг ашигладаг байна.

Эх сурвалж: CNN

---