Tesla $1,5 тэрбум биткойн худалдаж авсан нь ханшийн өсөлтөд нөлөөлөв

Элон Маскийн Tesla компани өнгөрсөн нэгдүгээр сард 1,5 тэрбум ам.долларын биткойн худалдаж авснаа мэдэгджээ. Тус компани ирээдүйд цахим мөнгөөр төлбөр тооцоо хийхээр төлөвлөж буйг энэ үйлдэл нь харуулав.

Уг мэдээлэл гарсны дараа Биткойн цахим мөнгөний ханш 17 хувиар өсч түүхэндээ байгаагүй хамгийн өндөр үнэлгээндээ буюу 44,220 ам.долларт хүрсэн байна. Үүнээс хэдхэн хоногийн өмнө Элон Маск өөрийн Твиттер хаягны нүүр хуудсан дээр “#bitcoin” гэсэн тэмдэглэлийг нэмжээ.

Маскийн уг тэмдэглэгээ цахим мөнгөн тэмдэгтийн ханшийн өсөлтөнд нөлөөлсөн гэж үзэж байна. Хэд хоногийн дараа уг тэмдэглэгээг Твиттерийн нүүр хуудаснаасаа арилгасан ч ханш нь өссөөр байна гэж мэдээлжээ. Биткойноос гадна Дожкойн цахим мөнгөний ханш 50 хувиар өссөн байна.

Tesla энэ тухайгаа тайлбарлахдаа хөрөнгө оруулалтын бодлогоо шинэчлэн нөөц хөрөнгө бүрдүүлэхэд илүү анхаарч, энэ салбарт хөрөнгө оруулахыг чиглүүлж байгаа гэжээ. Тухайлбал цахим мөнгө, алтан гулдмай болон алтны худалдаагаар дамжуулж сан бүрдүүлэх чиглэлийг баримталж нөөц хөрөнгө бүрдүүлэхээр төлөвлөсөн байна.

Эх сурвалж: ВВС