Түүхийн үнэт олдворуудыг тамхины хайрцагнаас олжээ
Египетээс удаан хугацаанд алдагдсан эд өлгийн зүйлс, түүхийн үнэт олдворуудыг Шотландын боомтын хот Абердинд тамхины хайрцганд байсныг олжээ.
5,000 жилийн настай модны хэлтэрхийнүүдийг хамгийн анх 1872 онд Египетийн агуу пирамидын хатан хааны танхимаас инженер Вайнмэн Диксон олж байжээ. Энэ олдвор пирамидуудын нууцад нэвтрэхэд тусална хэмээн судлаачид найддаг юм.
Магадгүй агуу пирамидын барилгын ажилд оролцож байсан гэж үздэг модны хэлтэрхийнүүдийг 1946 онд Абердины их сургуульд бэлэглэж байжээ. Гэвч энэ цагаас хойш эдгээр моднууд хаана байгаа нь мэдэгдэхгүй сураггүй алдагдсан байна.
Харин тус сургуулийн туслах эрхлэгч Абир Эладани их сургуулийн Азийн бүсийн цуглуулганд байдаг эд зүйлсийг шалган бүртгэж байгаад азаар олжээ.
Вайнмэн Диксоны 1872 онд модны хэлтэрхийнүүдтэй цуг олж байсан бөмбөлөг, дэгээ хоёр өдгөө Британийн музейд хадгалагддаг байна.
Эх сурвалж: ВВС
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.