Бразилын хамгийн баян эрхэм таалал төгсжээ
Бразилаас Швейцар хүртэл тэлсэн банкны эзэнт гүрнийг байгуулж, дэлхийн хамгийн баян чинээлэг банк эзэмшигч болсон санхүүч Жозеф Сафра 82 насандаа таалал төгсжээ.
Ливан-Бразил гаралтай Сафра гэр бүлийнхээ арилжааны болон хувийн банкны бизнесийг удирдаж, өргөжүүлэхэд том хувь нэмэр оруулсан байна. Сафрагийн хүчин чармайлтын үр дүнд түүний "Banco Safra" банк Бразилын найм дахь том банк болжээ.
Тэрээр анх 70 орчим жилийн өмнө аав Жейкоб болон хоёр ахынхаа хамт худалдааны санхүүжилтийн үйлчилгээний газар нээхээр Бейрутээс Бразилд ирж байсан бол энэ жилийн байдлаар 19.9 тэрбум ам.долларын хөрөнгө цуглуулж, Бразилын хамгийн чинээлэг хүнээр тодроод байсан юм.
Жозеф Сафра 1969 онд эхнэр Викитэйгээ гэрлэсэн бөгөөд тэд дөрвөн хүүхэдтэй. Түүний хөвгүүдийн нэг Алберто өнгөрсөн жил ах Дэвидтэйгээ санал зөрөлдөн, өөрийн банкийг байгуулахаар "Banco Safra"-г орхин явсан байна. Одоо Дэвид Сафра тус банкны үйл ажиллагааг хариуцаж байгаа юм.
Эх сурвалж: Reuters
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.