LIVE: А.Амбасэлмаа: Д-гийн ойрын хавьтлын таван иргэнээс халдвар илрээд байна

ЭМЯ-ны ээлжит хэвлэлийн хурлын үеэр ХӨСҮТ-ийн Тандалт, судалгааны албаны дарга А.Амбасэлмаа өнгөрсөн хоногт хийгдсэн шинжилгээнүүдийн хариуг танилцууллаа.

Өчигдөр 644 хүнд шинжилгээ хийхэд 24 хүнээс коронавирус илэрч, Монгол Улсад 406 тохиолдол батлагдлаа. Эерэг гарсан шинжилгээ:

• Аравдугаар сарын 22-нд Алтанбулагийн боомтоор орж ирсэн нэг хүний давтан шинжилгээ.
• Арваннэгдүгээр сарын 10-нд Алтанбулаг боомтоор орж ирсэн тээврийн автомашины жолооч.
• Аравдугаар сарын 19-нд Сөүл-Улаанбаатар онгоцоор ирсэн таван иргэний давтан шинжилгээ
• Аравдугаар сарын 20-нд Сөүл-Улаанбаатар онгоцоор ирсэн найман хүний давтан шинжилгээ.
• Аравдугаар сарын 21-нд Энэтхэг улсаас ирсэн гурван хүний давтан шинжилгээ.
• Хяналтын шинжилгээнээс гурван хүнээс халдвар илэрсэн.

Батлагдсан тохиолдлын ойрын хавьтал, хоёрдогч хавьтлын 171 хүний шинжилгээнээс коронавирус илрээгүй.

Одоогоор ХӨСҮТ-д нийт 84 батлагдсан тохиолдол хэвтэн эмчлүүлж байна. Биеийн байдал хүнд хоёр. Хүндэвтэр 10, хөнгөн 72 иргэн байна. Монгол Улсад батлагдсан нийт 406 тохиолдлын 317 нь эдгэрсэн. Ажиглалтад таван хүн байна. Гэрийн ажиглалтанд дөрвөн хүн. Ажиглалт тандалтын хугацаа дууссан 308 хүн байна. Нутаг буцаасан таван хүн байгаа.

Дотоодод батлагдсан тохиолдлын ойрын хавьтлын 73 хүн байгаа. 73 хүнээс 48 иргэний шинжилгээ хийгдэж дууссан. Өчигдөр 48 хүний нэгээс коронавирус илэрсэн. Ингээд Д-гийн ойрын хавьтлын батлагдсан тохиолдол тав болж байна. Хоёрдогч хавьтлын 171 хүнээс коронавирус илрээгүй. Түүнчлэн Өмнөговь, Замын-Үүд явсан таван хүнээс халдвар илрээгүй.

Шинээр илэрсэн 24 тохиолдлын хоёр нь өчигдөр мэдээлэгдсэн халдвартай жолоочийн хадам ээж, дүү хоёрын PCR шинжилгээний хариу юм. Тус шинжилгээний хариуг Эрүүл мэндийн яамнаас зарласнаас хойш нийт 22 тохиолдол шинээр бүртгэгджээ.