LIVE: Д.Нямхүү: Өнгөрсөн хоёр хоногт 14 хүнээс халдвар илэрлээ
ЭМЯ-ны 11.00 цагийн уламжлалт мэдээллийг Төрийн ордонд Шадар сайдын өрөөнөөс хийлээ.
ХӨСҮТ-ийн ерөнхий захирал Д.Нямхүү: Өнгөрсөн хоёр хоногт 993 хүнд шинжилгээ хийхэд 14 хүнээс коронавирус илэрлээ. Монгол Улсад батлагдсан тохиолдол 382 болж 317 хүн эмчлүүлж эдгэрсэн. ХӨСҮТ-д 61 хүн эмчлүүлж байна. ОХУ-ын 4 иргэн өөрийн хүсэлтээр нутаг буцсан. ХӨСҮТ-д нийт 165 хүн эмчилгээ, ажиглалт, тандалтад байна.
-Халдвар авсан эмч, сувилагчийн бие ямар байна вэ?
-Халдвар авсан сувилагч 31 настай, эмч 27 настай. Хоёулангийнх нь бие сайн, сэтгэл санаа сайн байна. Эмчилгээ хийхэд сэтгэл зүйн байдал бараг 50 хувь нөлөөлдөг. Иргэд ч сэтгэл санаагаар их дэмжиж байна. Улс орнуудад эмнэлгийн ажилтнууд олноор халдвар авч байгааг мэдэж байгаа.
Манай улс эмчилгээ рүү орсон эмч, сувилагч нар 21 хоног ажиллаад, 14 хоног тусгаарлагддаг. Эмнэлгийн ажилтнууд хувцас өмсөх, тайлахад онцгой анхаарч байна. Дотоодын үйлдвэрүүдийн хамгаалалтын хувцас хэрэгсэл маш сайн байгааг манай эмч нар хэлж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.