LIVE: Д.Нямхүү: Сувилагчийн ойрын хавьтлын таван эмч, сувилагчаас коронавирус илрээгүй

Эрүүл мэндийн яам /ЭМЯ/-наас Covid-19 цар тахлын халдварын байдлын талаар ээлжит /2020.11.09/ мэдээллээ хийж байна. Сүүлийн гурав хоногт /2020.11.06-11.08/ ХӨСҮТ-ийн Вирус судлалын хоёр лаборатори, ЗӨСҮТ-ийн лаборатори, Сэлэнгэ аймгийн салбар лабораторит нийт 1816 хүнд шинжилгээ хийхэд 12 хүнээс Covid-19 илэрлээ.

ХӨСҮТ-ийн ерөнхий захирал Д.Нямхүү: Сүүлийн гурав хоногт 1816 хүнд шинжилгээ хийхэд 12 хүнээс коронавирус илэрлээ. Тухайлбал:

• 10.19-нд Сөүл- Улаанбаатар чиглэлийн тусгай үүргийн онгоцоор ирсэн 5 хүн /давтан/,
• 10.20-нд Энэтхэг-Улаанбаатар чиглэлийн тусгай үүргийн онгоцоор ирсэн 1 хүн /давтан/ шинжилгээний сорьцонд халдвар илэрсэн байна.
• 11.07, 08-нд Алтанбулаг боомтоор ирсэн ачаа тээврийн 3 жолооч /ОХУ, Беларусь, Монгол Улсын иргэн/
• 10.17, 18-нд Алтанбулаг боомтоор ирсэн ачаа тээврийн 3 жолоочид /давтан/ шинжилгээний сорьцонд халдвар илэрсэн байна.

Хиагтад хяналт сул байгаа нь харагдаж байна. Монгол жолооч нар Улаан-Үдийн орчимд чөлөөтэй зорчиж, бараагаа цуглуулж байна. Хилийн цаана хяналт сул байна.

Халдвар илэрсэн сувилагчтай нэг баг болон ажилласан таван эмч, сувилагч, ажилчдыг тусгаарласан. Эхний шинжилгээгээр коронавирус илрээгүй.

Дөрвөн хүн эдгэрч, өнөөдөр сувиллын тусгаарлалтад шилжлээ. Үүнд: 

• Алтанбулаг боомтоор ирсэн ачаа тээврийн 2 жолооч 36, 42 настай /ОХУ-ын иргэн/,
• 10.01-нд Сиатл-Улаанбаатар чиглэлийн тусгай үүргийн онгоцоор ирсэн 1 хүн,
• 10.10-нд Токио-Улаанбаатар чиглэлийн тусгай үүргийн онгоцоор ирсэн 1 хүн байна.

Монгол Улсад нийт батлагдсан тохиолдол 368, үүнээс 88 хувь буюу 317 нь эдгэрчээ. ХӨСҮТ-д 49 хүн эмчлүүлж байна. Нэг хүн хүнд, хүндэвтэр 7 хүн байна. ХӨСҮТ-д нийт 77 хүн эмчилгээ, хяналт тандалтад байна.