LIVE: 136 нэр төрлийн ерөнхий нэршлийн, 522 нэр төрлийн худалдааны нэршлийн эмийг 30-70 хувь хөнгөлнө

Эрүүл мэндийн даатгалын ерөнхий газрын дарга Л.Бямбасүрэн, Бодлогын хэрэгжилтийн газрын дарга Г.Гийхнаран, Тусламж үйчилгээний газрын дарга Х.Сувд-Эрдэнэ, Мэдээллийн технологийн хэлтсийн дарга Х.Бат-Оргил нар ЭМД-ын тухай хуулийн өөрчлөлтийн дагуу эрүүл мэндийн даатгалын сангаас олгох эмийн үнийн хөнгөлөлтийн мэдээлэл өгч байна.

ЭМД-ын тухай хуулийн өөрчлөлтийн дагуу эрүүл мэндийн даатгалын сангаас олгох эмийн үнийн хөнгөлөлтийн жорыг бүх шатны эрүүл мэндийн байгууллагад ажиллаж буй эмч бичих, бүх эмийн сангаар үнийн хөнгөлөлтийг олгохоор болсон билээ. Энэхүү хуулийн хэрэгжилт арваннэгдүгээр сарын 2-ны өдрөөс хэрэгжинэ.
Хөнгөлөлттэй эмийн хувьд:

Хөнгөлөлттэй эмийн жагсаалтыг шинэчлэн баталсан бөгөөд шинэчилсэн жагсаалтаар 136 нэр төрлийн ерөнхий нэршлийн, 522 нэр төрлийн худалдааны нэршлийн эмийг 30-70 хувь хөнгөлөхөөр болсон.
Хөнгөлөлттэй эм бичих эмчийн тухайд:

Бүх шатлалын улсын болон хувийн эмнэлгийн хүсэлт гаргасан нийт 6500 гаруй эмч жор бичнэ.
Одоогийн байдлаар 1600 гаруй эмийн сан хөнгөлөлттэй эмээр үйлчлэхээр болжээ. Монгол улсын хэмжээнд 2000 орчим эмийн сан үйл ажиллагаа явуулж байна. Хөнгөлөлттэй эмэнд зарцуулах санхүүжилтийн хэмжээг нэмэгдүүлснээр санхүүжилт дуусна гэсэн шалтгаанаар сарын эхний өдрүүдэд дугаарлалт үүсгэхгүй тайван байж, өөрийн боломжтой цагтаа эмнэлэгт очиж эмээ бичүүлэн гэрээт эмийн сангаас эмээ авах боломжтой.