"Эрдэнэс-Тавантолгой" ХК-ийн хувьцаа эзэмшигчдийн ээлжит бус хурал өнөөдөр хуралдаж байна.  Уг хурлаар ногдол ашиг хуваарилалтын явц, тайлан болон ТУЗ-ийн гишүүдийн бүрэн эрхийг дуусгарав болгох, шинээр сонгох зэрэг асуудлыг хэлэлцэв. 

Хувьцаа эзэмшигчдийн ээлжит бус хурлыг "1072 хувьцаа Мэдээллийн төв" хуудсаар шууд дамжуулж байна. 

"Эрдэнэс-Тавантолгой" ХК-ийн Гүйцэтгэх захирал Б.Ганхуяг ногдол ашиг хуваарилалтын явц, тайланг танилцуулсан юм.  Тэрбээр цар тахлын нөхцөл байдлаас шалтгаалан хувьцаа эзэмшигчдийн ээлжит бус хурлыг цахимаар, цомхон хийж байгааг онцоллоо. 

"Эрдэнэс-Тавантолгой" ХК-ийн ТУЗ нь 11 гишүүнтэй бөгөөд бүрэн эрхийн хугацаа нь хоёр жил. ТУЗ-ийн гишүүдийн бүрэн эрхийн хугацаа дууссан учраас ийнхүү өнөөдрийн хуралдаанд ажлын тайлангаа тавьж байгаа юм байна.

"Эрдэнэс-Тавантолгой" ХК-ийн ТУЗ нь 11 гишүүнтэй байдаг. Төрийн төлөөллийн долоо, хараат бус дөрвөн гишүүнээс бүрддэг.

Шинээр томилогдсон ТУЗ-ийн гишүүд:

1. УУХҮЯ-ны Төрийн нарийн бичгийн дарга Г.Нандинжаргал

2. Засгийн газрын хэрэг эрхлэх газрын дарга Б.Энх-Амгалан

3.Ашигт малтгал, газрын тосны газрын орлогч дарга Ц.Эрдэнэбаяр

4. Мэргэжлийн хяналтын ерөнхий газрын дарга Т.Гантулга

5. Шударга өрсөлдөөн, хэрэглэгчдийн төлөө газрын дарга Б.Бат-эрдэнэ

6. “Эрдэнэс-Тавантолгой” ХК-ийн Гүйцэтгэх захирал Б.Ганхуяг

7. Төрийн өмчийн бодлого зохицуулалтын газрын төрийн өмчийн удирдлага зохицуулалтын хэлстсийн дарга Ц.Баяр-Эрдэнэ.

Хараат бус гишүүнээр Д.Батхишиг, Х.Болор-Эрдэнэ, Ү.Амарбат, П.Өлзийнаран нар томилогдсон байна. 

---