Сонгуулийн сонин хачин: Эхнэр, нөхөр хоёр хоёул сонгогджээ
2020 оны орон нутгийн сонгууль амжилттай болж өнгөрлөө. Бид өмнө нь уншигч та бүхэнд энэ удаагийн орон нутгийн сонгуульд ялалт байгуулсан онцлог төлөөлөгчдийг танилцуулсан билээ. Тэгвэл энэ удаад эхнэр, нөхөр хоёр хоёул АИТХ-д сонгогдсон содон явдлын талаар мэдээлэл хүргэж байна.
Тодруулбал, Увс аймгийн ИТХ-ын сонгуулийн 18-р тойрогт бие даан нэр дэвшсэн Сундуйн Пүрэвсүрэн ба мөн Увс аймгийн 25-р тойрогт бие даан нэр дэвшсэн Цэвээний Батболд нар нэг гэр бүлийн хоёр аж. "Жирийн Иргэдийн Нэгдэл" ТББ-ын тэргүүн Ц.Батболд Улаангом сумын 10-р багаас сонгогдсон бол нүдний мэс засалч мэргэжилтэй гэргий С.Пүрэвсүрэн нь Улаангом сумын 3-р багаас сонгогдон, ялалт байгуулжээ.
Увс аймгийн иргэдийн итгэлийг гурвантаа хүлээгээд байгаа Ц.Батболд өөрийн "Иргэдийн эрүүл мэндийг хамгаалагч гэр бүл"-ийнхээ гэр талаар "Одоогоос 20 жилийн өмнө буюу 2000 онд эхнэр бид хоёр том охиноо дагуулаад Увс нутагтаа ирж суурьшсан. 2008 онд "Онош" эмнэлгийн суурийг тавьж байлаа. Эмнэлгээ барих гэж манай гэр бүл, миний хань бүгдээрээ хуруу хумсаа хугалан байж босгосон. Эмнэлэг маань 5 жилийн хугацаанд босож ирсэн. Үүнээс хойш өдийг хүртэл 120 гаруй мянган хүмүүст эмнэлгийн үйлчилгээ үзүүлсэн" хэмээн ярьжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.