Монголын арьсан үйлдвэрийн тэргүүн О.Баярсайхантай ярилцлаа. Монголын арьс, шир үйлдвэрлэгчид цэрэг, цагдаа, хүчний байгууллага, малчдын хэрэгцээнд жилд 800 мянган ширхэг хос гутлыг дотооддоо үйлдвэрлэж байна.

Монголын арьсан үйлдвэрийн тэргүүн О.Баярсайхан: 

-Жилд монголчууд 10 сая ширхэг мал нядалдаг гэсэн тооцоо бий. Үүнээс 7-8 саяыг нь боловсруулж, Итали, Испани зэрэг орнууд руу экспортолдог. 1-2 саяыг нь боловсруулж, дотоодын хэрэгцээндээ хэрэглэдэг. Цэрэг, цагдаа, хүчний байгууллага болон малчдын хэрэгцээнд зориулж, 800 мянган ширхэг хос гутал үйлдвэрлэж, зах зээлд нийлүүлдэг. Мөн, 20 мянган нэхий дээл, мөн тооны савхин хувцас, 1 сая орчим ширхэг бээлий үйлдвэрлэдэг. Үндсэндээ дулааны улиралд 1-2 сая ширхэг арьс хаягддаг. Малчид маань мал нядалснаас хоёр цагийн дотор арьсыг боловсруулалт хийх ёстой гэдгийг мэддэггүйгээс хаягддаг. 

Монгол хонины арьс шиг зөөлөн, монгол ямааны арьс шиг бат бөх, монгол тэмээ, адууны арьс шиг чанартай, монгол сарлагийн арьс шиг хатуу арьс дэлхийд байхгүй. 

---