LIVE: Г.Занданшатар: Орон нутгийн сонгуулийн ирц УИХ-ын сонгуулиас бага байсаар ирсэн

Монгол Улсын Их хурлын дарга Г.Занданшатар нийслэл, дүүргийн Иргэдийн Төлөөлөгчдийн Хурлын сонгуульд ХУД-ийн 17-р хороо, 29-р тойргийн 17-1 дүгээр хэсгийн хороонд ирж, саналаа өглөө. 

Тэрээр "Орон нутгийн сонгуулийн ирц УИХ-ын сонгуулиас бага байсаар ирсэн ч залуучууд шинэ хэв маяг болох дээлээ өмсөөд сонгуульд идэвхтэй оролцохыг уриалж байна" гэлээ.

Хан-Уул дүүргийн 17 дугаар хороо аймаг, нийслэл, сум дүүргийн ИТХ-ын сонгуулийн 29 дүгээр тойрог 17-1 дүгээр хэсэгт 1979 иргэн санал өгөхөөр бүртгэгдсэн. Тэгвэл 11:30 цагийн үед 220 сонгогч саналаа өгснөөс эрэгтэй 130, эмэгтэй 90 иргэн саналаа өгчээ. Насны ангиллаар авч үзвэл 18-25 нас-15, 26-40 нас-58, 41-55 нас-101, 56-гаас дээш насныхан 46 иргэн саналаа өгсөн байна. Сонгуулийн ирц 11.1 хувьтай байгаа юм.