Гал Гадот Клеопатрагийн дүрийг амилуулна
"Wonder Woman"-ы дүрийг бүтээн олны танил болсон жүжигчин Гал Гадот Нил мөрний хатан хаан Клеопатрагийн дүрийг амилуулахаар болжээ.
Гадот өөрөө энэхүү киног хийх саналыг гаргасан бөгөөд "Wonder Woman" болон "Wonder Woman 1984" киноны найруулагч Патти Женкинстэй дахин хамтран ажиллахаар болсон байна. Харин кино зохиолыг "Alexander", "Shutter Island", "Alita: Battle Angel" зэрэг киноны зохиолыг бичсэн Лаета Калогридис бичихээр болжээ. Ингэснээр Клеопатрагийн тухай шинэ киноны гурван том албыг эмэгтэй уран бүтээлчид хариуцах болж байгаа юм.
Гадот өөрийн Твиттер хуудаснаа энэ талаар "Намайг Патти Женкинс, Лаета Калогридис нартай хамтран Египетийн хатан хаан Клеопатрагийн түүхийг урьд өмнө хэзээ ч харагдаж байгаагүй байдлаар том дэлгэцэн дээр авчрах болсныг та бүхэн сонссон байх. Түүний түүхийг анх удаа камерын ардаас ч, урдаас ч эмэгтэйчүүдийн нүдээр дүрслэх болно" хэмээсэн байна.
Египетийн эцсийн хатан хаан Клеопатрагийн түүх хамгийн сүүлд 1963 онд дэлгэцнээ амилсан билээ. Холливудын домогт жүжигчин Элизабет Тейлор агсны тоглосон энэхүү кино Оскарын дөрвөн шагнал хүртэж, Шилдэг киногоор шалгарч байсан юм.
Эх сурвалж: CNN, UPI
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.