ВИДЕО: Торгуулиа төлөөгүй тээврийн хэрэгслийг замын хөдөлгөөнд оролцуулахгүй хязгаарлана
Нийслэлийн Засаг даргын үүрэг гүйцэтгэгч Ж.Батбаясгалан тээврийн хэрэгслийн торгуулиа төлөөгүй тээврийн хэрэгслийг замын хөдөлгөөнд оролцуулахгүй хязгаарлах үүрэг өгчээ. Өнөөдрийн байдлаар манай улсад 3,4 сая төгрөгийн торгууль төлөгдөөгүй байна. Энэ дунд 100-аас дээш удаагийн торгуультай 355 тээврийн хэрэгсэл байна.
Замын хөдөлгөөний түгжрэлийг бууруулахын тулд тээврийн хэрэгслийн торгуулиа төлөөгүй зөрчилтэй тээврийн хэрэгслийг замын хөдөлгөөнд оролцуулахгүй хязгаарлах ажлыг хэрэгжүүлэхээр Засгийн газарт өргөн бариад байгаа юм. Өнөөдрийн байдлаар Улаанбаатар хотын хэмжээнд нийтдээ 3.4 сая ширхэг торгууль огт төлөгдөөгүй байна. Үүний 63 мянган жолооч 10-аас дээш удаагийн торгуультай бол 100-аас дээш торгуультай 355 жолооч байна. Хамгийн их торгууль найман сая төгрөг байна.
Энэ оны эхний есөн сарын байдлаар улсын хэмжээнд 1.500 орчим замын хөдөлгөөний дүрэм зөрчсөн зөрчлийг илрүүлж, арга хэмжээ авчээ. Нөхөн төлөлт нь 70 хувьтай байгаа бөгөөд өөрөөр хэлбэл, зөрчил гаргасан 10 жолоочийн долоо нь хугацаандаа торгууль шийтгэлээ төлдөг бол гурав нь огт төлөхгүй, дахин торгуулдаг гэсэн үг юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.