“Ногоон нүдэн лам” Амазонд зарагдаж эхэллээ

Зохиолч, улс төрч Ц.Оюунгэрэлийн бодит түүхээс сэдэвлэн бүтээсэн “Ногоон нүдэн лам” ном хэвлэгдсэн даруйдаа хамгийн шилдэг борлуулалттай номын жагсаалтыг удаа дараа тэргүүлж байсан.

Дэлхийн зах зээл, өнгө төрхийг тодорхойлогч Амазон цахим сүлжээний “Kindle Store”-д цөөн Монгол зохиолчдын уран бүтээл нийтлэгдсэн байдгийн нэг нь “Ногоон нүдэн лам” болж байна.

Зохиолч бүтээлээ Монгол улс тунхагласны 94 жилийн ойн өдөрт багтааж Амазонд хүлээлгэн өгснөө өөрийн Твиттер хуудсандаа нийтэлжээ. Уг бүтээлийг Англи хэлнээ хөрвүүлэн, дэлхийн зах зээлд нийлүүлэхэд арвин түүх, туршлага хуримтлагдсан төдийгүй гэр бүлийн хүн Жеффри Фольт үнэнч туслагч нь байсан гэжээ.

“The Green Eyed Lama” нэртэйгээр Амазоны “Kindle Store”-д байрлуулсан бүтээл 19,99 ам.доллараар худалдаалагдаж байна.

Амазонд Монголоос хамгийн анх Б.Батрэгзэдмаагийн “Очир эрхшээгч”, дараа нь зохиолч, шүүмжлэгч П.Батхуягийн шүлгийн түүвэр тавигдаж байсан юм.