Бээжингийн хүн ам 20 жилд анх удаа буурчээ
Хүн амын тоогоороо Хятад дэлхийд тэргүүлж байна. 1,4 тэрбум иргэний 22 сая нь нийслэл Бээжин хотод тогтмол оршин сууж байна.
Синьхуа агентлагийн мэдээлж байгаагаар Бээжин хотын хүн ам 2017 онд 21,1 сая болж буурчээ. Энэ нь сүүлийн 20 жилийн хугацаанд Бээжингийн оршин суугчдын тоо анх удаа буурсан үзүүлэлт юм.
2016-2017 онд Хятадын нийслэлд байдаг зургаан дүүргийн оршин суугчид гурван хувиар буурчээ. Хүн амын хэт ачааллыг бууруулах, нөөцийн хомсдол, барилгын үнийн инфляцийн өсөлтөөс болж хэт хурдан өсч байгаа ард иргэдийн тоог тогтоон барих бодлого Засгийн газраас хэрэгжүүлж байна.
1998 оноос хойш 2016 он хүртэл Бээжингийн хүн ам 2/3 дахин өсчээ. Тиймээс хөрш зэргэлдээх Хэбэй муж, Тянжин хотуудтай эдийн засгаа нэгтгэж их сургуулиуд, Засгийн газрын байрууд, аж ахуйн фирмүүдээ нүүлгэж эхэлсэн юм.
Эх сурвалж: www.reuters.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.