Австралийн Шинэ Өмнөд Уэльсийн ойн түймэрт 1,500 га талбай шатаад байна. Ойн түймрийг унтраахаар эрх баригчид Боинг-737 онгоцыг анх удаа ашиглаж эхэлжээ.

 

 

Өмнө нь зорчигч тээврийн нислэгт ашиглаж байсан онгоцонд 15,000 литр ус тээвэрлэж, түймрийг унтраахад хэрэглэж байна. Энгийн гал унтраагч онгоцнуудыг бодвол давуу тал их байгааг гал сөнөөгчид ярьжээ.

Ус нөөцлөх савнаас гадна 63 гал сөнөөгч нэмж тээвэрлэх боломжтой байна. Сиднейгээс хойшоо 150 км-т байдаг Порт Стефенсэд иргэдийн өмч шатах аюулд орж, уг галыг унтраахад Боинг-737 онгоцыг ашиглажээ.

Австрали улсад энэ долоо хоногт байгаль цаг уурын онц үзэгдлүүд тохиосоор байна. Долоо хоногийн эхэнд хэт хуурайшилт, ган гачигаас болж шороон шуурга газар авсан бол ойн түймэр иргэдийн өмчийг устгажээ. Тус улсад жил бүрийн 10 дугаар сараас дөрөвдүгээр сар хүртэл ойн түймрийн улирал үргэлжилдэг.

 

 

Канадын “Кюлсон” авиа компани зорчигч тээврийн онгоцуудыг гал сөнөөгч болгон хувиргажээ. Тус компанид тус бүр нь 45,000 литр ус тээвэрлэх хүчин чадал бүхий есөн нисэх онгоц байгаа аж.

 

Эх сурвалж: www.bbc.com

---