ВИДЕО: “Араатны хаан арслан” амиллаа
Уолт Диснейн шилдэг бүтээлүүдийн нэг “Араатны хаан арслан” хүүхэлдэйн кино 1994 онд анх удаа дэлгэцэнд амилж үзэгчдэд хүрч байжээ. Агуу хаант улсын хүчирхэг хаан арслангийн түүх хүүхэд бүрийн сэтгэлд дотно үлдсэн билээ.
Уолт Дисней ирэх 2019 оны долдугаар сарын 19-ний өдөр араатны хаан арслан Симбагийн түүхийг орчин үеийн өнгө төрхөөр гаргаж, илүү бодит дүрслэлээр дахин амилуулж үзэгчдэд хүргэх гэж байна. Киноны албан ёсны трэйлер цацагджээ.
Араатны хааны түүхийг “Ширэнгэн ойн түүх”-тэй адил хосолмол дүрслэлээр бүтээж байна. “Ширэнгэн ойн түүх”, “Төмөр хүн -1, 2”, “Хүн аалз” зэрэг алдартай бүтээлүүд дээр ажилласан Жон Фаврю найруулж, Дональд Гловер, Бионси, Жэймс Өрл Жонс, Алфре Вүдард, Жон Оливер, Сэт Роген зэрэг алдартнууд дуу оруулжээ.
Эх сурвалж: www.wdwnt.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.