Роберт Де Ниро 20 жилийн гэрлэлтээ дуусгавар болголоо

Холливүдын нэрт жүжигчин, амжилттай бизнес эрхлэгч Роберт Де Ниро болон дуучин жүжигчин, хандивлагч Грэйс Хайтавер нар хорин жилийн хамтын амьдралаа дуусгахаар шийджээ.

Тэд 1997 онд гэрлэж Элиот, Хэлэн Грэйс нэртэй хоёр хүүхэдтэй болсон. Элиот 20 настай бол Хэлэн зургаан настай.  

Де Ниро, Хайтавер нар анх удаа гэрлэлтээ салгуулж байгаа хэрэг биш юм. Тэд 1999 онд салсан ч 2004 онд эргэн нийлж байжээ. Хамгийн сүүлд өнгөрсөн зун Тонигийн шагнал гардуулах ёслолд хамтдаа ирж гэрэл зурагчдын дуранд өртжээ.

Салалтынхаа тухай мэдэгдэхдээ хос “заримдаа хүссэнээр аль эсвэл итгэж найдсанаар болохгүй зүйл гэж байдаг” гэж хэлжээ.

Нэрт жүжигчин Де Ниро 1976 онд Дианне Эбботтой гэрлэж 1988 онд салж байсан. Тэд хоёр хүүхэдтэй болсон ба Дрена 47 настай, Рафель 42 настай.

Роберт Де Ниро Хайтавертай гэрлэхээсээ өмнө найзалж байсан загвар өмсөгч Тоуки Смитээс Арон, Жулиан гэдэг хоёр хүүхэдтэй. Өдгөө 75 настай жүжигчин нийт зургаан хүүхдийн эцэг болжээ.

Эх сурвалж: www.cnn.com