Хуурамч эмч 22 жил эмнэлэгт ажиллан хулгай хийжээ
Их Британийн Засгийн газар гаднаас ирсэн 3,000 гаруй эмч мэргэжилтнүүдийн бүртгэл, бичиг баримтыг шалгажээ. Мэргэжлийн сургууль төгсөөгүй этгээд 22 жилийн турш сэтгэл мэдрэлийн эмчээр ажилласан тохиолдол гарсны дараа эрх баригчид ийнхүү гаднаас ирсэн эмч нарын бичиг баримтыг нийтээр нь шалгаж эхэлсэн байна.
Жолиа Алеми гэгч сэтгэл мэдрэлийн эмч ахмад өвчтнөөрөө дамжуулан ашиг олж байгааг мэдэж өнгөрсөн сард саатуулжээ. Тэрээр хамгийн анх 1995 онд Британид цагаачлан ирсэн бүртгэлтэй ба Шинэ Зеландын Оклэндийн их сургуульд эмчийн мэргэжил эзэмшсэн гэж эмнэлгийн ажилтнууд итгэсэн байж. Гэвч мөрдөн шалгах ажил явуулахад Жолиа Алеми гэгч эмэгтэй мэргэжлийн сургууль төгсөөгүй нь батлагдав. Үүгээр ч зогсохгүй эмэгтэй өвчтнүүдийнхээ бугуйн цагийг хулгайлдаг байсан нь илэрч, таван жилийн хорих ял сонсчээ.
Их Британийн Эрүүл мэндийн Ерөнхий газар “гаргасан алдаа дутагдалдаа хүлцэл өчиж дахин ийм хэрэг гаргахгүй” гэж амласан байна.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.