ШУУД: Бокс ДАШТ М.Нандинцэцэг хүрэл медалийн төлөө тулалдана
Сонирхогчдын Боксын Эмэгтэйчүүдийн ДАШТ Энэтхэгийн нийслэл Дели хотноо явагдаж байна.
Манай улсаас 7 ширэн бээлийтэн оролцож байгаа ба одоогийн байдлаар 2 тамирчин ялалт байгуулан цааш тулаануудаа үргэлжлүүлж байна.
54 кг жинд M.Нандинцэцэг эхний тойрогт Унгар улсын тамирчин Ц.Цабинаг техникийн илт давуугаар хожсон бол шигшээ 8д шалгарах тулаанаа Хорват улсын боксчин Питеса Зелжанатай хийж мөн хугацаанаас өмнө "дутуу гаргаж" гайхалтай сайхан тоглолтыг үзүүлээд байна. М.Нандинцэцэг хүрэл медалийн төлөө маргааш Марокко улсын Зохра Эз-Захроутай тулалдахаар боллоо. Зохра Эз-Захроугийн хувьд Рио-2016 Олимпийн их наадамд оролцож байсан энэ жил 35 настай хашир туршлагатай тамирчин юм.
75 кг жинд М.Мягмаржаргал Аргентин улсын тамирчин Марзо Ясмин Рокиотой тулалдан ялж өнөөдөр энэ жинд чансаагаар тэргүүлж буй Нидерландын Ноучка Фонтинтэй өрсөлдөнө. Нидерланд тамирчны хувьд Олимп, Дэлхийн мөнгөн медальтай тамирчин юм.
Яг одоо манай тамирчин А дэвжээн дээр тулалдах гэж байна.
www.livetv.mn сайт сонирхогчдын боксын ДАШТ-ийг шууд дамжуулан хүргэж байгаа бөгөөд Монгол тамирчдынхаа тулааны өмнөх болон дараах мэдээллийг та бүхэндээ шуурхай хүргэхээр ажиллаж байна.
А дэвжээг шууд үзэх:
В дэвжээг шууд үзэх:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.