ЕБС-ийн орос хэлний хичээлийн цагийг нэмэх хэрэгтэй гэв
Оросын шинжлэх ухаан, соёлын төвд “ОХУ /ЗХУ/-д сургууль төгсөгчдийн ажил эрхлэлтийн байдалд хийсэн судалгаа дүгнэлт” сэдэвт дугуй ширээний ярилцлага боллоо. Тус ярилцлагад ОХУ-ын дөрвөн төлөөлөгч, 60 гаруй монгол төгсөгчид оролцсон юм. ОХУ-руу суралцахаар явж буй хүүхдүүд насны хувьд хэтэрхий бага, хэлний мэдлэг дутмаг байдаг гэнэ. Энэ нь ерөнхий боловсролын сургуулийн сургалтын агуулгад орос хэлний хичээлийн цаг бага байдаг талаар эрдэмтэн судлаачид ярьж байв.
ОХУ-д мэргэжил эзэмшсэн 1300 хүнээс судалгаа авч үзэхэд 250 хүн ажилгүй байна гэсэн дүн гарсан
ОХУ /ЗХУ/-д сургууль төгсөгчдийн холбооны дэд тэргүүн Д.Цогзолмаа “1922 оноос эхлэн ОХУ-д мэргэжилтэн бэлтгэж эхэлсэн. 1972 онд “Монголоос ОХУ /ЗХУ/-д сургууль төгсөгчдийн холбоо байгуулагдаж, өнөөдрийн байдлаар 60 мянган гишүүнтэй болсон. ОХУ-д мэргэжил эзэмшсэн 1300 хүнээс судалгаа авч үзэхэд 250 хүн ажилгүй байна гэсэн дүн гарсан. Үүний шалтгаан нь мэргэжлээ буруу сонгосон, англи хэлний мэдлэг дутмаг байгаа юм. ОХУ-руу сурахаар явж буй хүүхдүүд шантарч буцаж ирэх тохиолдлууд цөөнгүй гарсан. Учир нь ЕБС-ийн сургалтын агуулгад орос хэлний хичээлийн цаг бага байдаг бөгөөд ахлах ангид огт ордоггүй учир хүүхдүүдэд хэлний бэрхшээл гарч буй юм. Тиймээс бид бүхэн орос хэлний сургалтыг сайжруулах санал тавьж байгаа” хэмээв.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.