ВИДЕО: "Аваргуудын аварга" тэмцээний хагас шигшээ тоглолт
Энэ өдрүүдэд снукер билльярдын "ManBetX Champion of Champions" буюу аваргуудын аварга шалгаруулах нэр хүндтэй тэмцээн явагдаж байна.
Манай www.livetv.mn сайт уг тэмцээний мэдээ, мэдээллийг цаг тухай бүрт нь шуурхай дамжуулж байгаа билээ.
Өчигдөр шөнө хагас шигшээ хоёр дахь тоглолтонд Умард Ирландын тамирчин Марк Аллен болон Английн тамирчин Кайрен Вилсон нар тоглолоо. Тэмцээний эхнээс шуугиан тарьж буй Кайрен Вилсон 6:5 харьцаагаар хожин финалд үлдлээ. Урьд өмнө нь энэ хоёр тамирчин 12 тэмцээн дээр учраа тааран тоглоход Кайрен Вилсон 7-д нь хожиж байсан юм.
Англи улсын залуу тамирчин (энэ жил 26 настай) Кайрен Вилсон энэ тэмцээнд Ж.Трамп, М.Виллиамс, М.Аллен зэрэг шилдгүүдийг хожин финалд Ронни О Сулливантай аваргын төлөө тулалдахаар шалгарч чадлаа.
Урд шөнө болсон Кайрен Вилсон болон Марк Аллен нарын тоглолтын бичлэгийг хүргэж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.