Эрэгтэйчүүдийн -81кг жинд Н.Дагвасүрэн Казакстан улсын тамирчин Хамза Дидартай Алтан медалийн төлөө тун хүнд барилдааныг хийлээ. Н.Дагвасүрэнгийн хувьд цаг дуусахаас 1 минут 40 секунд дутуу байхад ваза-ари үнэлгээ авсан хэдий ч цаг дуусахад ердөө 8 секунд дутуу байхад ваза-ари үнэлгээ алдаж улмаар нэмэлт цагт дахин ваза-ари алдаж хожигдлоо. Гэхдээ Н.Дагвасүрэн өнөөдөр үнэхээр сайн барилдаж Мөнгөн медаль хүртсэн билээ.

Өнөөдөр Монгол улсынхаа нэрийн өмнөөс хүндхэн барилдаануудыг хийсэн тамирчдадаа жүдо бөх сонирхогчдынхоо нэрийн өмнөөс мэхийн ёсолж ард түмнээ цэнгүүлсэнд талархал илэрхийлж байна.

Маргааш буюу 11 сарын 11-ний өдөр эмэгтэйчүүдийн -78кг жинд Ш.Сэржмядаг барилдана. Уг барилдааныг www.livetv.mn шууд дамжуулан үзүүлэх болно.

Одоогоор медалийн чанараар Монгол улс 2 алтан медаль, 1 мөнгөн медаль, 2 тавдугаар байр, 2 шагналт долоодугаар байрт шалгарч, бусад орнуудыг тэргүүлж байна.

---