ХҮН-ыг орон нутгийн сонгуулиас дараах шалтгаанаар хасах болжээ
Бид НИТХ-ын сонгуульд Хөдөлмөрийн үндэсний нам оролцож чадахгүйд хүрсэн тухай мэдээллийг хүргэсэн. Тэгвэл энэ удаад тус намыг сонгуульд оролцуулахгүй байх ямар шалтгаан байгааг танилцуулж байна. Өнөөдөр/2020.09.29/ ХҮН-ыг сонгуульд оролцуулах эсэх маргаан шүүхэд өрнөж ХҮНамыг бүртгэсэн Нийслэлийн сонгуулийн хорооны шийдвэрийг шүүхээс түдгэлзүүлжээ. Өөрөөр хэлбэл, шүүх ХҮНамыг сонгуульд оролцох боломжгүй гэж үзсэн байна.
Учир нь ХҮНам 2018 онд Удирдах зөвлөлийн тогтоолоо гаргаж намын анхан болон дунд шатны хороо, үүрүүдээ татан буулгасан байна. Харин энэ оны 08-р сард буюу сар гаруйн өмнө эргүүлэн байгуулжээ. Гэвч энэ нь Аймаг, нийслэл, сум, дүүргийн ИТХ-ын сонгуулийн тухай хуультай зөрчилдөж байгаа ажээ.
Шинээр баталсан Аймаг, нийслэл, сум, дүүргийн ИТХ-ын сонгуулийн тухай хуулинд:
"...сонгуулийг 2020 оны 04-р сарын 30-ны өдөр товлож, сонгууль товлон зарласан өдрөөс өмнө бүртгүүлсэн, улмаар тухайн аймаг, нийслэл, сум, дүүргүүдэд өөрийн гэсэн салбартай нам орон нутгийн Хурлын сонгуульд оролцож болох..."-ыг зааж өгчээ.
Гэвч ХҮНам өнөө жилийн орон нутгийн сонгуулийг товлон зарлахаас өмнө шат шатны намын хороо, үүрүүдээ байгуулж амжаагүй болж таарч байна.
ХҮНам шат шатны намын үүр, хороодоо татан буулгасан болон байгуулсан тогтоол:
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.