ХӨСҮТ-д КОВИД-19-ийн сэжигтэй тохиолдлыг тусгаарлах өрөөг 126-аар нэмэгдүүлнэ

Эрүүл мэнд, Нийгэм 2020/08/13 10:54 Т.Мягмар

Дэлхий нийтийг цочроож байгаа КОВИД-19 халдварт өвчлөлийн хоёр дахь давлагаа эхлэх магадлал өндөр байгаа энэ үед Эрүүл мэндийн дэд сайд Ш.Анхмаа холбогдох албаны хүмүүсийн хамт өчигдөр ХӨСҮТ-д ажиллалаа.

Энэхүү ажлын хүрээнд ХӨСҮТ-ийн барилгын засварын ажлыг хурдасгах, КОВИД-19 халдварын сэжигтэй тохиолдлыг тусгаарлах орны тоог нэмэгдүүлэх, шинээр нэмэгдэж буй тусгаарлах өрөө бүрт ариун цэврийн өрөө гаргах, агааржуулалтын системийг бүрэн ажиллуулах болон эмнэлгийн ажилтан, албан хаагчдын сахилга хариуцлагыг чангатгах талаар үүрэг, чиглэл өглөө.

665a615c74f3aa5d0dc9f28d557be085d595b66f

ХӨСҮТ-ийн Элэгний клиникийн засвар дууссанаар КОВИД -19 халдварын сэжигтэй тохиолдлыг тусгаарлах өрөө 60-аар нэмэгдэнэ. Түүнчлэн тус төвийн лабораториудыг шинэ барилгад төвлөрүүлснээр тусгаарлах өрөө 66-аар нэмэгдэх юм.

Иймд ХӨСҮТ-ийн лабораторийн барилгын ажлыг эрчимжүүлэхийн тулд шаардлагатай нэмэлт хөрөнгийг энэ оны төсвийн тодотголд тусгуулснаар ирэх аравдугаар сард тус барилга ашиглалтад орох юм.

cxbdr3 DSC 9207 x974