Б.Нямжавын хээр азарга Улсын наадамд түрүүллээ
Үндэсний их баяр цэнгэл наадмын хурдан азарганы уралдаанд Төв аймгийн Баян сумын харьяат тод манлай уяач Түмэндэлгэрийн Ихбаярын уясан, Баасанжавын Нямжавын хээр азарга түрүүллээ. Аман хүзүүнд Өвөрхангай аймгийн Хужирт сумын уяач Пүрэвийн Батсайханы хээр азарга, гуравт Архангай аймгийн Хотонт сумын уяач Дуламсүрэнгийн Лхагвасүрэнгийн хар азарга орлоо.
Дөрөвдүгээрт Өмнөговь аймгийн Ханбогд сумын уяач Нэргүйн Амарбаясгалангийн буурал азарга, айргийн тавд Өмнөговь аймгийн Цогтцэций сумын уяач Дашдэмбэрэлийн Бат-Эрдэнийн азарга орж уясан эзэн, унасан хүүхдээ баясгалаа. Энэ жилийн Үндэсний их баяр наадмын хурдан азарганы насанд 176 азарга бүртгүүлснээс 104 азарга барианы зурхай руу хөдөлсөн билээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.