БНХАУ-тай хийсэн мөргөлдөөний үеэр Энэтхэгийн 20 цэрэг амиа алджээ
Энэтхэг улсын Ладах мужийн дагуух тэмдэглэгдээгүй хил дээр БНХАУ-ын цэргүүдийн эсрэг ширүүн мөргөлдөөний үеэр 20 орчим цэрэг амиа алдсан талаар мэдээлжээ.
Хоёр улсын хилийн зөрчилдөөн бүс нутгийн нөхцөл байдлыг улам дордуулж байна. Энэ хэргийн дараа албаныхан хурцадмал байдлыг арилгахаар ажиллаж байгаа талаар Энэтхэгийн армийн төлөөлөгч мэдэгдсэн юм.
Харин Хятадын ГХЯ-ны хэвлэлийн төлөөлөгч Жао Лицян өчигдөр хийсэн мэдэгдэлдээ Энэтхэгийн 20 цэргийн амь насыг алагдахад хүрсэн мөргөлдөөний талаар холбогдох мэдээлэл хүлээн аваагүй гэв. Хятадын нутаг дэвсгэрт хууль бусаар нэвтрэн, хоёр улсын хооронд тогтоосон зөвшилцлийг ноцтойгоор зөрчсөн хэмээн мэдээлсэн юм.
Жао Лицян энэ талаар “Тэд Хятадын талыг өдөөн хатгаж, дайралт хийн, хүчтэй мөргөлдөөн үүсэхэд хүргэсэн. БНХАУ Энэтхэгийн талыг хилийн цэргүүдээ хязгаарлахыг шаардан, хилийн байдлыг улам хүндрүүлэх үйлдлээс зайлсхийхийг хүсэж байна” гэв.
Эх сурвалж: Bloomberg
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.