Ерөнхий сайд асан С.Баярын шүүх хурал хойшлов
Монгол улсын Ерөнхий сайд асан С.Баяр нарын долоон хүнд холбогдох эрүүгийн хэргийн шүүх хуралдаан Чингэлтэй дүүргийн Эрүүгийн хэргийн анхан шатны шүүхэд өнөөдөр 09 цагт эхэлсэн боловч хойшиллоо.
Шүүгдэгч С.Баярын бие тааруу, эрүүл мэндийн шалтгаантай байгаа учир өмгөөлөгчийн хүсэлтээр шүүх хурлыг ийнхүү хойшлуулсан юм. Шүүх хурал зургадугаар сарын 15-ны өдөр үргэлжилнэ.
Тэдэнд, Төрийн албан тушаалтан албаны эрх мэдэл буюу албан тушаалын байдлаа урвуулан ашигласан, энэ хэргийг давтан үйлдсэн, мөнгө угаах гэмт хэрэг үйлдсэн, албан тушаалтан албаны чиг үүрэг, бүрэн эрх, нөлөөг урвуулан ашигласан, үндэслэлгүйгээр хөрөнгөжсөн, хөрөнгө, орлого их хэмжээгээр нэмэгдсэнээ үндэслэлтэй тайлбарлаж чадаагүй зэрэг Эрүүгийн хуульд заасан гэмт хэргүүдийг үйлдсэн байж болзошгүй гэж үзэн шүүж байгаа билээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.