Коронавирусийн тахлын улмаас сая сая индонезичууд эдийн засгийн бэрхшээлтэй тулгараад байна. Эрх баригчид иргэддээ илүү хүртээмжтэй байх үүднээс “цагаан будааны АТМ”-уудыг ажиллуулж эхэлжээ.

Нийслэл Жакарта болон хотын ойр орчмоор суурилуулсан арав гаруй “будааны АТМ”-ээр түр ажлын байртай, ажилгүй, гэр оронгүй болон нэн ядуу иргэд үйлчлүүлэх боломжтой аж.

Иргэд соронзон картаа машинд уншуулаад 1.5 кг будаа авах эрхтэй. Алба хаагчид хүн бүрийн халууныг шалгаж, үнэ төлбөргүй амны хаалт тараан, бие биеэсээ зай барихыг шаардаж байна.

"Өдөр бүр бид 1000 орчим оршин суугчид зориулсан 1.5 тонн будаа бэлтгэдэг. Бид өдөр алгасалгүй, амралтын өдрүүдэд ч тасралтгүй будаа тараасаар байх болно" гэж түгээлтийн хянагч Ибрахим хэлжээ.

Эх сурвалж: Jakarta Globe, Channel News Asia

---