Хуванцар савыг дахин боловсруулах шинэ аргыг гаргажээ
Аж үйлдвэрийн хөгжлийн “Карбиос” компанийн эрдэмтэд 10 цагийн дотор хуванцар савыг задалж дахин боловсруулах ажиллагаанд хувьсал авчирах мутант бактерийн ферментийг гаргаж авсан байна. Энэ фермент нь ундааны сав боодлыг үйлдвэрлэхэд ашигладаг нэг төрлийн хуванцарын гол бүтээгдэхүүн полиэтилен, терефтлатийн хэмжээг багасгадаг аж.
Мөн энэ хуванцар бүтээгдэхүүнийг шинэ сав хийхэд ашиглаж болох юм байна. “Натур” сэтгүүлд бичсэнээр энэ компанийн эрдэмтэд энэ төсөлд “Пепси” болон “Л.Ореал” аж үйлдвэрийн компанитай хамтран ажилласан аж. Гидролаз пет гэж нэрлэсэн шинэ хуванцар сав боловсруулах аргаас нэг онцлох зүйл нь хуванцар савны дахин боловсруулалт, үйлдвэрлэлд зарцуулах зардлыг хэмнэнэ гэж эрдэмтэд мэдэгджээ. Мөн энэ ферментийг ирэх онд үйлдвэрт нэвтрүүлэн туршиж, худалдаанд гаргахаас гадна 2024, 2025 онд бүрэн хэмжээгээр үйлдвэрлэнэ гэж найдаж байгаа аж.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.