Насанд хүрсэн бүх хүнд 600 сингапур доллар бэлнээр өгнө
Сингапур улс коронавирусийн дэгдэлтээс үүсээд буй эдийн засгийн хохирлыг бууруулах зорилгоор 5.1 тэрбум сингапур доллар буюу 3.6 тэрбум ам.долларын тусламжийн багцыг баталжээ.
Энэ нь коронавирусийн дэгдэлтээс хойш Сингапур улсын зарласан гурав дахь тусламжийн багц юм. Өмнөх хоёр багцтай нийлээд нийт 41.7 тэрбум ам.долларын тусламжийн төсөв нь тус улсын дотоодын нийт бүтээгдэхүүний 12 орчим хувьтай тэнцэх дүн аж.
Сингапур улсын Шадар сайд бөгөөд Сангийн сайд Хенг Сви Киатын зарласан тус багцын хүрээнд насанд хүрсэн бүх хүнд 600 сингапур доллар (417.70 ам.доллар) бэлнээр төлнө. Мөн дөрөвдүгээр сард бүх аж ахуйн нэгжүүдэд хангалттай хэмжээний цалингийн тусламж үзүүлэх ба бизнес эрхлэгчдийг түрээсийн болон гадаад ажилчдын татвараас чөлөөлөх аж.
Одоогийн байдлаар Сингапур улсад нийт 1,309 тохиолдол бүртгэгдэж, 6 хүн нас бараад байна.
Эх сурвалж: cnbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.