Коронавирусийн хөл хориог зөрчсөн сайдын зэрэглэлийг бууруулжээ
Үндэсний хорио цээрийн дүрмийг үл тоомсорлож, гэр бүлтэйгээ гэрээсээ 20 км-ын зайд орших далайн эрэг рүү аялсныхаа дараа Шинэ Зеландын эрүүл мэндийн сайд Дэвид Кларк тушаал буурчээ.
Өнгөрсөн долоо хоногт доктор Дэвид Кларкын уулын дугуйн аялалд явж буй зураг нийтэд тархсан юм. Тэрээр уг үйл явдалд уучлалт гуйж, “Шинэ Зеландын бүх хүнийг гэртээ байхыг зөвлөсөн үед муу буруу үлгэр жишээ үзүүлэн, алдаа гаргалаа гэдгээ хүлээн зөвшөөрч, өөрийгөө “тэнэг” гэв.
Шинэ Зеландад тогтоосон хорио цээрийн дүрмийн дагуу автомашиныг зөвхөн хоол хүнс, эм гэх мэт зайлшгүй шаардлагатай зүйлс худалдаж авахын тулд ашиглах ёстой бөгөөд дасгал хөдөлгөөнийг зөвхөн гэрийнхээ ойролцоо хийхийг зөвшөөрч байгаа.
Тэрээр “Дүрэм зөрчсөн учир би Ерөнхий сайдаас уучлалт гуйж, огцрох хүсэлтээ өгсөн” хэмээн мэдэгдэлдээ бичжээ. Харин Ерөнхий сайд Жакинда Ардерн харин түүнийг засгийн газрын доод зэрэглэлийн гишүүн болгон тушаал бууруулжээ.
"Ердийн нөхцөлд би эрүүл мэндийн сайдыг огцруулах байсан. Гэхдээ одоо миний хамгийн чухал зорилго бол Ковид-19-тэй хамтдаа тэмцэх юм. Бид эрүүл мэндийн салбарт том өөрчлөлт хийж болохгүй. Зөвхөн ийм учраас доктор Кларк үүргээ хэвээр хадгална" хэмээн Ардерн хэлжээ.
Шинэ Зеландад коронавирусийн нийт 1,660 тохиолдол бүртгэгдэж, нэг хүн нас бараад байгаа юм.
Эх сурвалж: theguardian.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.