Мадрид хотын 80 хувь нь коронавирусээр халдварлана
Испанийн нийслэл Мадрид хотын 10 оршин суугч тутмын найм нь буюу нийт хүн амын 80 хувь нь коронавирусээр халдварлана гэж мужийн захирагч Изабел Диаз Ауйсо мэдэгджээ. Захирагчийн хэлснээр тэдгээр оршин суугчдад халдварын шинж тэмдэг хөнгөн хэлбэрээр илрэх ба нөхцөл байдал одоо байгаагаас хүндэрнэ гэдгийг анхааруулсан байна.
Тэр дундаа нийгмийн 15 хувийг эзэлдэг эмзэг давхаргын иргэдийн хувьд даван гарахад хүндрэлтэй гэдгийг хэлжээ. Испани улсад нэг хоногийн хугацаанд Ковид-19 цар тахлын 3,308 тохиолдол шинээр бүртгэгдэж халдварын тохиолдол 18,077 болсон юм. Түүнчлэн 831 иргэн нас бараад байна.
Хатагтай Диаз Ауйсо коронавирус бидний таамаглаж байгаагаас ч удаан хугацаанд Испани улсыг хамрах ба нийгмийн эмзэг давхаргад хүндээр тусна гэж радиод өгсөн ярилцлагадаа дурджээ. Эмзэг давхаргын өндөр настнуудын тухайд халдварт вирус 24-48 цагийн дотор амь насыг нь авч одох аюултай учир нэн даруй аврах горимд шилжих хэрэгтэй гэж захирагч үзсэн байна.
Тиймээс энэ байдалд бэлдэхийн тулд эмнэлгийн орнуудын тоог нэмж, түргэвчилсэн оношлуурыг энэ амралтын өдрүүдэд ашиглаж аль болох хүнийг хамруулахыг уриалжээ.
Эх сурвалж: CNN
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.