ВИДЕО: Арнольд Шварценеггер иргэдийг гэртээ байхыг уриалжээ
АНУ-ын Калифорни мужийн захирагч асан Холливудын нэрт жүжигчин Арнольд Шварценеггер давжаа морьдын хамт бичлэг хийн иргэдэд хандан гэртээ байхыг уриалжээ. Хэрэв америкчууд коронавирус тархан халдварлаж буй хүнд цаг үед нэгдэн нийлж чадвал бэрхшээлийг түвэггүй даван гарна хэмээн уриалсан байна.
Энэ жил 72 настай жүжигчин, улс төрч хорио цээрийн дэглэмийг бүрэн гүйцэд биелүүлж гэрээсээ гарахгүй байх нь хамгийн чухал гэдгийг хэлж, нэн ялангуяа Калифорни мужийн 65-аас дээш настай оршин суугчид гэрээсээ гарах хэрэггүй гэжээ. Мөн ресторан, бялдаржуулах төв зэрэг олон нийтийн газрыг мартаж гэртээ цонхоор гадагш харан тайван амгалан байхыг хүссэн байна.
Дашрамд мэдээлэхэд Их Британийн жүжигчин, дуучин, реппер 47 настай Идрис Элба коронавирусийн халдвар авсан гэдгээ олон нийтэд зарлажээ. Даваа гарагт өгсөн шинжилгээний хариж эерэг гарсан байна. Тэрээр өнгөрсөн баасан гарагаас хойш тусгаарлагдсан ба одоогоор халдварын шинж тэмдэг илрээгүй, биеийн байдал нь хэвийн байна гэжээ.
Эх сурвалж: CNN, The Guardian
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.