Орос, Монголын хилийн заагт гарсан түймрийг унтраав
Дорнод аймгийн Дашбалбар, Баяндун сумын нутагт ой хээрийн түймэр гаржээ. Тодруулбал, Дорнод аймгийн Баян-Уул сум дахь Онцгой байдлын хэлтэст гуравдугаар сарын 11-ний 12:40 цагт Орос, Монголын хилийн заагт ой хээрийн түймэр гарлаа гэсэн дуудлага иржээ.
Дуудлагын дагуу Дашбалбар сумын Нарсан толгойн харуул, Хорины гол гэх газарт Баян-Уул сум дахь Онцгой байдлын хэлтсээс 12 албан хаагч, Дашбалбар, Баяндун сумаас тус бүр 25, хилийн цэргийн ангиас 10 хүн ажиллаж тухайн өдрийнхөө 23:00 цагийн үед галыг цурманд оруулжээ. Улмаар гуравдугаар сарын 12-ны 04:00 цагийн үед галыг бүрэн унтраасан аж. Одоогоор хэдий хэмжээний газар шатсан талаарх эрсдлийн үнэлгээ хийхээр манай байцаагч газар дээр нь ажиллаж байгаа гэнэ. ОХУ-аас өнгөрсөн онд их, бага хэмжээний хоёр түймэр орж ирсэн. Харин он гарсаар түймэр гараагүй байсан юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.