Сар шинээр зөвхөн төрийн албан хаагчдад автобусаар үйлчилнэ
Сар шинийн баярын өдрүүд буюу шинийн 1-3-ны өдрүүдэд (Хоёрдугаар сарын 24, 25, 26) нийтийн тээврийн үйл ажиллагааг зогсоох шийдвэр гарсан билээ.
Тэгвэл эдгээр өдрүүдэд онцгой байдлын үед ажиллаж буй төрийн болон үйлчилгээний албан хаагчдад зориулан тусгай автобус гарган өглөө, оройдоо явуулахаар болжээ.
Нийслэлийн Онцгой комиссын өнөөдрийн хуралдаанаар дээрх шийдвэрийг гаргасан бөгөөд нийтийн тээвэр зогссон өдрүүдэд Нийтийн тээврийн удирдлагууд ариутгал халдваргүйжүүлэлтийг сайтар хийж, хяналт тавьж ажиллах ёстойг нийслэлийн Засаг дарга анхаарууллаа.
Улсын онцгой комисс, нийслэлийн Онцгой комиссоос өгсөн чиглэлийн дагуу амралтын өдрүүдэд шинэ төрлийн халдвараас урьдчилан сэргийлэх хүрээнд нийслэлийн хэмжээнд захиргааны болон нийслэлийн өмчит аж ахуйн нэгж байгууллагын 10 мянга гаруй албан хаагчид өндөржүүлсэн бэлэн байдалд ажиллаж байна гэж Нийслэлийн Засаг даргын Тамгын газрын Хэвлэл мэдээлэлтэй харилцах хэлтсээс мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.