ВИДЕО: Ц.Батцэцэг гурван жил дараалан түрүүллээ

Самбо бөхийн уламжлалт XXIV удаагийн Беларусийн ерөнхийлөгчийн нэрэмжит цомын төлөөх тэмцээн амжилттай зохион байгуулагдаж дууслаа. 

Тус тэмцээнд манай улсаас самбо бөхийн дэлхийн хошой аварга МУХБ, МУГТ Х.Цагаанбаатар тэргүүтэй таван бөх зодоглож дараах амжилтыг үзүүллээ. 

• Эмэгтэйчүүдийн -48 кг жинд 2019 оны дэлхийн тулааны наадмын аварга, 2019 оны залуучуудын азийн аварга, 2019 оны залуучуудын дэлхийн аварга ОУХМ Б.Баасанхүү урамтай сайхан барилдсаар шигшээ барилдаанд Румын улсын бѳх Даниела Чиссийг гарт өчих мэхээр 14 секундэд буулгаснаар алтан медалийн эзэн болсон. 

• Эмэгтэйчүүдийн -68 кг жинд, 2018 оны ази тивийн аварга, 2018 оны азийн наадмын хүрэл медальт, 2019 оны дэлхийн аваргын хүрэл медальт "ТЕГ"-ын Эрч спорт хорооны тамирчин ОУХМ Ц.Батцэцэг түрүүллээ. Тэрээр финалын барилдаанд Украйнын Улиана Клиапкаг ялснаар тус тэмцээнд 3-н жил дараалан түрүүллээ.

• Эрэгтэйчүүдийн -100 кг жинд барилдсан ШШГЕГ-ын "Сүлд" спорт хорооны тамирчин, 2019 оны дэлхийн аваргын хүрэл медальт ОУХМ Б.Серик мөнгө медаль хүртлээ.