Ч.Сайханбилэг: Би өмгөөлөгчөөрөө дамжуулан удахгүй мэдээлэл өгнө

Монгол Улсын Ерөнхий сайд асан Ч.Сайханбилэг фэйсбүүк олон нийтийн сүлжээгээр дамжуулан “ЕТГ-ын дарга З.Энхболдын хийсэн мэдээллийг эсрэг хариу няцаалт өгсөн” талаар хэвлэл мэдээллийн хэрэгслүүд мэдээллэж байна.

Бид “Чимэдийн Сайханбилэг” гэх нэртэй уг цахим хуудастай холбогдож, Ерөнхий сайд асан Ч.Сайханбилэг мөн эсэхийг тодруулахад “Энэ миний албан ёсны хуудас мөн. Би АНУ-д одоогоор эмчилгээ хийлгэж байгаа. Өөрийнхөө өмгөөлөгчөөр дамжуулан тун удахгүй албан ёсны мэдээлэл өгнө. Өөртэй нь холбоотой гарч мэдээлэл албан ёсны тайлбар няцаалт хийнэ” гэв.

Ч.Сайханбилэг нь Вашингтон болон Лондонд төвтэй Amsterdam&Partners гэх нэртэй олон улсын хэмжээнд үйл ажиллагаа явуулдаг хуулийн фирмээр өмгөөлүүлж байгаа билээ.