ОХУ-ын хорих газрын дарга асан шүүхийн танхимд өөрийгөө бууджээ
ОХУ-ын хорих газруулыг хариуцан ажиллаж байсан этгээд лхагва гарагт Москвагийн шүүх танхимд өөрийгөө буудаж амиа егүүтгэсэн байна. Амиа егүүтгэсэн этгээдэд бусдыг айлган сүрдүүлж мөнгө авсан хэмээн яллаж, гэм буруутай гэж үзсэн тул гурван жил хорих ял оноогоод байжээ.
Виктор Свиридовыг буруутай гэж шүүх шийдсэний дараа тэрээр гар буу авч өөрийгөө шүүгчдийн өмнө буудсан байна. Уг этгээд нь ОХУ-ын засан хүмүүжүүүлэхийн төвийн үйл ажиллагаа хариуцсан албаны даргаар ажиллаж байжээ. Тасс агентлагийн дамжуулснаар 71 настай эрэгтэй нь хорих газруудын үйлчилгээ хариуцсан дэд дарга Александер Сапожниковоос 10 сая рубль буюу 158,500 ам.долларыг айлган сүрдүүлэх замаар хувьдаа завшсан байна.
Амиа егүүтгэсэн этгээдийн өмгөөлөгч Котелницкийн ярьснаар түүний үйлчлүүлэгч хорт хавдрын дөрөвдүгээр үе шатандаа явж байсан бөгөөд лхагва гарагт шүүх танхимд ирэхдээ сэтгэлээр унасан байдалтай харагдаагүй гэжээ.
Эх сурвалж: CNN
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.