Бадминтоны багийн ААШТ-д Хятадын багийг оролцохыг хориглолоо

Бадминтоны багийн ази тивийн аварга шалгаруулах тэмцээн өнөөдөр Филиппин улсын Манилла хотноо зохион байгуулагдаж эхэллээ. 

Эрэгтэйчүүдийн багийн ази тивийн аварга шалгаруулах тэмцээн нь анх 1962 оноос 1993 оны хүртэл зохион байгуулагдаж ирсэн түүхтэй. 2016 оноос Бадминтоны ази тивийн эрэгтэй баг болон эмэгтэй багийн тэмцээнийг зохион байгуулах болсон бол 2017 оноос холимог багийн тэмцээнийг зохион байгуулж эхэлсэн байна.

Хоёр жил тутамд зохион байгуулдаг ази тивийн аварга шалгаруулах багийн тэмцээнд Индонезийн улсын эрэгтэй баг 2016, 20018 онуудад түрүүлээд байгаа бол эмэгтэй багийн хувьд 2016 онд БНХАУ-ын баг, 2018 онд Японы багууд түрүүлсэн байна. 

Холимог багийн төрөлд 2017 онд Японы баг түрүүлсэн бол 2019 онд БНХАУ-ын баг түрүүлээд байна. 

Энэ удаагийн тэмцээн нь энэ оны тавдугаар сарын сүүлээр Дани улсад зохион байгуулагдах "2020 Thomas & Uber Cup" тэмцээнд оролцох ази тивийн багуудыг сонгон шалгаруулахаас гадна Токио-2020 олимпийн наадмын эрхийн оноо цуглуулах чухал ач холбогдолтой тэмцээн юм. 

Мөн энэ удаагийн багийн ази тивийн аварга шалгаруулах тэмцээний бас нэгэн онцлог нь тэмцээнийг зохион байгуулагч Филиппин улсын засгийн газрын зүгээс БНХАУ болон Хонг Конгийн хүчирхэг багийн тамирчдыг тус улсад дэгдээд буй Корона вирусын тархалтын улмаас тэмцээнд оролцуулахыг нь хориглосон явдал юм. 

Эрэгтэй баг:

Эрэгтэй багуудын хэсгийн хуваарьлалт

Эмэгтэй баг:

Эмэгтэй багуудын хэсгийн хуваарьлалт