3D-ээр хэвлэсэн дэлхийн анхны гүүрийг танилцуулав

Хэрэв та энэ долоо хоногт Нидерландын Эйндховен хотод зочилсон бол дэлхийн анхны 3D-ээр хэвлэсэн ган гүүрэн дээгүүр алхах цөөн хүмүүсийн нэг болно.

Нидерландын 3D хэвлэлийн MX3D компани явган гүүр хэвлэх санаагаа 2015 онд танилцуулж байжээ. Гүүрийг хэвлэж дууссан ба энэ сарын 28 хүртэл олон нийтэд сонирхуулж байна.

Инженерүүд эхэндээ ердөө хоёр сарын дотор хэвлэх ажлыг гүйцэтгэнэ гэж тооцсон ч үнэн хэрэгтээ жилийн хугацаа зарцуулжээ.

Гүүрний 40 ширхэг нумыг нэг бүрчлэн хэвлэсэн ба хоёр гол хэсгээс бүрдсэн байна.

3D хэвлэлээр гүүр, байшин барилга, хуурамч шүрэн арал зэргийг хэвлэх шинэ технологийг нэвтрүүлэн ашиглах болжээ.

Та энэ долоо хоногт Эйндховен хотод зочилж амжихгүй бол ирэх жил Амстердамд аялахдаа 3D гүүрэн дээр алхах боломжтой гэнэ. Дараа жил хотын төвд гүүрийг албан ёсоор байрлуулна гэжээ.

Эх сурвалж: www.qz.com