Австралийг ойн түймэр, үер дайрсны дараа хортой аалз элбэгшжээ
Австралийн Шинэ Өмнөд Уэльс, Викториа, Күйнслэнд мужуудад ойн түймэр газар авч олон арван хүн амиа алдсаны дараа аадар бороо, үер бууж, гольфийн бөмбөгний хэмжээтэй мөндөр иргэдийг багагүй сандаргасан. Мөндөр ороод удалгүй говийн угалзтай төстэй шороон шуурга шуурсан тухай мэдээлсэн бол удалгүй хортой аалз ихэссэн гэдгийг эх сурвалжууд мэдээлжээ.
Тус тивийн зүүн хэсгийн чийглэг ойгоос гаралтай funnel-web төрлийн аалз нь хорт бодисоор хүний бие махбодид нөлөөлж, амьсгал боогдуулан улмаар багтраа үүсгэж амь насанд хүрэх аюултай. Шинэ Өмнөд Уэльс мужийн Сомерсбайд байдаг Reptile цэцэрлэгт хүрээлэнгийн орчмын оршин суугчид ойрын хоногуудад хортой аалзнууд хаа сайгүй явах болсныг ярьжээ.
Их хэмжээний борооны дараа цаг агаар эргэн халснаар аалзнууд эргэн тойронд, тэр дундаа гэрт хүртэл харагдах болсон гэж иргэд хэлсэн байна. Funnel-web нь манай дэлхий дээр байдаг хамгийн хортой 10 төрлийн аалзны нэг юм. Хазуулсан тохиолдолд нэн даруй эмнэлгийн тсламж авах ёстой ажээ.
Эх сурвалж: CNN
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.