Өлөнгийн өнгөр чанах тогоонд унаж, хордсон гурван хүний биеийн байдал хүнд байна
Нийслэлийн Сонгинохайрхан дүүргийн 32 дугаар хороо “Мөнхбаясах кэйсинг” ХХК-ийн “Өлөн боловсруулах үйлдвэр”-т энэ сарын 13-ны өдөр таван иргэн үйлдвэрийн осолд өртжээ.
Өлөн боловсруулах үйлдвэрийн өлөнгийн өнгөр чанах 3.5х2.5 метрийн хэмжээтэй тогоонд тус үйлдвэрийн ажилтан Сонгинохайрхан дүүргийн 1 дүгээр хорооны харьяат Б /44 настай, эрэгтэй/, БНХАУ-ын иргэн Ш/ 36 настай, эрэгтэй/, Л/34 настай, эрэгтэй/ нар унасан байна.
Дуудлагын дагуу Нийслэлийн Аврах ангийн албан хааагч нарыг очиход иргэн Б, Ш, Л нарыг тогооноос тус үйлдвэрийн ажилчид гаргасан байжээ. Иргэн Б, Ш, Л нарын биеийн байдал хүнд, хордож ухаан алдсан байсан тул эмнэлгийн анхан шатны тусламж үзүүлж, ХЯТҮТ-ийн их эмч С.Эрдэнэцэцэгт хүлээлгэн өгсөн.
ХЯТҮТ-д эмчлэгдэж буй иргэн Б, Л нарын биеийн байдал хүнд, ухаангүй, иргэн Ш ухаан орсон, биеийн байдал хүндэвтэр байгаа юм. Түүнчлэн тус үйлдвэрийн ажилтан Баянгол дүүргийн 20 дугаар хорооны харьяат З /27 настай, эрэгтэй/, Дундговь аймгийн Адаацаг сумын харьяат М /36 настай, эрэгтэй/ нарын биеийн байдал дунд зэрэг /өөрсдөө эмнэлэгт ирсэн/ тухай энэ сарын 14-ны 05:40 цагт ХЯТҮТ-ийн их эмч Н.Чингүүлээс тодруулжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.