Сэлэнгийнхний гоёо

УИХ-ын гишүүдийн урилгаар ард түмэн төрийн ордонтой танилцах эрхтэй. Энэ эрхийн дагуу УИХ-ын чуулганы хуралдаан үргэлжилж байх үед төрийн ордонтой танилцаж буй иргэдэд тухайн өдрийн хуралдааныг удирдаж буй хуралдаан даргалагч тусгайлан баяр хүргэдэг.

Сүүлийн жилүүдэд төрийн ордонтой танилцах хүсэлтэй иргэдийн тоо эрс олширсон гэдэг. Тэгвэл Сэлэнгэ аймгаас сонгогдсон УИХ-ын гишүүн Ж.Эрдэнэбатын урилгаар төрийн ордонтой танилцаж байгаа иргэд нэгэн шинэ "жишиг" тогтоожээ.

Тэд төрт ёс, төрийн ордноо хүндэлж нэгэн жигд хувцаслалтаар гангардаг болсныг та харж байна. Сэлэнгийн иргэдтэй зэрэгцэн төрийн ордонтой танилцсан бусад тойргийн иргэд тэднийг дуурайж ийм жишгээр ордонг зорьдог болсон гэнэ.