ВИДЕО: 8.5 тэрбум төгрөгийн шагналын сантай Дартсын ДАШТ

PDC буюу мэргэжлийн дартсын корпорациас зохион байгуулдаг 27 дахь удаагийн Дартсын дэлхийн аварга шалгаруулах тэмцээн Англи улсын Лондон хотноо зохион байгуулагдаж байна. 

Энэ сарын 13-ны өдөр эхэлсэн дэлхийн аварга шалгаруулах тэмцээн ирэх оны нэгдүгээр сарын 1-ний өдөр хүртэл үргэлжлэн явагдана. Нийт 96 тамирчин өрсөлдөж буй энэ удаагийн дэлхийн аварга шалгаруулах тэмцээний хоёрдугаар тойргоос дэлхийн чансааг тэргүүлж буй шилдэг 32 тамирчин тоглож эхэллээ. Энд мэдээж өнөө цагийн дартсын спортын дэлхийн чансааг тэргүүлж буй гурван удаагийн дэлхийн аварга Майкл Ван Гервен оролцож буй нь мэдээж хэрэг. Тэрээр энэ жил Мастерс, Премьер лиг, Дэлхийн гран при, Аваргуудын лиг, Players Championship Finals зэрэг тэмцээнүүдэд түрүүлээд байгаа юм. 

Шагналын сангийн хувьд өмнөх жилийнхтэй адил буюу нийт 2.5 сая фунт буюу монгол мөнгөөр 8.5 тэрбум орчим төгрөг байна.  

Дартсын спорт сонирхогчдодоо дэлхийн аварга шалгаруулах тэмцээний эхний өдрийн төгс шидэлтүүдийн түүвэр бичлэгийг толилуулж байна.